A Galicia Interior

Descripción

Galicia é unha comunidade que ten moito por descubrir aínda, especialmente algunhas zonas máis afastadas das capitais na costa e as áreas do interior da nosa comunidade.

O interior de Galicia é un lugar cunha gran variedade de paisaxes, podemos ver áreas de montañas, chairas, campos e bosques, áreas de viñedos ou grandes vales. Todo o territorio está vertebrado por ríos tan importantes como o Sil, o Miño, o Sar, o Támega, o Ulla ou o Eume. Galicia ten múltiples paisaxes, que nos permiten realizar visitas e itinerarios moi variados a zonas completamente distintas.

A variedade xeográfica e climatolóxica condiciona as formas de construción, os cultivos, o uso e organización do territorio. Cada paisaxe é diferente pola súa natureza e pola súa organización territorial, o que nos permite mostrar unha gastronomía moi variada na que destacan, as carnes autóctonas, a pesca fluvial, a castaña, o viño, as augardentes, o pan, as patacas, os queixos, o mel, as froitas e moito máis. As construcións locais, tamén se adaptan á contorna: podemos ver pallozas, ata pobos autenticamente vitivinícolas, áreas de cereais e de moitos hórreos ou zonas claramente de produción gandeira ou de castaña.

O patrimonio e as tradicións locais son unha auténtica sorpresa! Existe unha enorme riqueza en románico e prerrománico, os mosteiros son innumerables, hai grandes e descoñecidos pazos, coquetas e monumentais vilas, paisaxes de película, infinidade de ríos e mananciais termais con recoñecidas propriedades, enfin, o interior galego é unha zona menos coñecida que a costa ou que lugares turísticos como Santiago pero que realmente esconde grandes xoias e sorpresas como Ourense, a capital Termal de Galicia, como Lugo e a súa muralla romana de máis de 2km ou como as fermosas localidades e pobos de Lalin, Mondoñedo, O Barco de Valdeorras, Allariz, Arzúa, Monforte, Ribadavia, A Golada, Sarria, Silleda, Baños de Molgas, Monterrei, Carballiño, Xinzo de Limia, Celanova ou A Pobra de Trives, entre tantas outras.

Nos roteiros que organizamos, tratamos de mostrar esa riqueza e valor que ten o interior, esas formas e costumes xenuínas, que permanecen e queremos coidar e conservar, cun turismo sostible, que beneficie no local e achegue sensacións auténticas ao que nos visita.

Somos Genuine Galicia, somos especialistas no menos coñecido de Galicia, somos especialistas no interior de Galicia.

Descobre a Galicia verde connosco!

 

• TIPO DE RUTA: Á Carta
• DURACIÓN: Variable/Xornada completa ou varias xornadas
• HORA DE SAÍDA: A concertar
• OBSERVACIÓN: O roteiro personalízase para cada cliente
• INCLUIDO: Guía Oficial + Entradas a museos e monumentos
• TRANSPORTE, ALOXAMENTO E COMIDA: Opcional. Pódese xestionar cos nosos colaboradores.
• PARTICULARES: solicitar orzamento. Itinerario personalizado. Duración adaptada.
• GRUPOS: Itinerario personalizado. Duración adaptada. Solicitar tarifas de grupo.
• IDIOMAS : Français, italiano, english, deutsch, português, outros (solicitar).

SUXERENCIA DE VISITAS:

1. O máis vistoso! Descobre o interior de Galicia
2. Ruta monumental polo interior
3. Ruta Paisaxes do interior
4. Visita ás cidades e vilas do interior
5. A Galicia interior cos 5 sentidos
6. A Galicia interior ao Natural
7. Tradición e gastronomía no interior galego

MÁIS INFORMACIÓN:

info@genuinegalicia.com