La Galicia Atlántica-Costa de Galicia, Á Carta

Description

Galicia conta con 1500 km de costa, é a rexión de España con máis lonxitude de terra que limita co mar, é por iso que a vinculación de Galicia ao mar é tan importante.

O litoral galego é moi variado, podemos ver desde longas praias de area fina, a paisaxes dunares, calas rochosas ou abruptos cantís de máis de 600m. de altura. As illas, as penínsulas e zonas rochosas modelan a paisaxe occidental, mentres que en paisaxe do norte da Comunidade componse de longas extensións de area e roca.

O océano Atlántico e o mar Cantábrico proporcionan unha variada fonte de alimentación e permitiron desde época romana unha actividade salina, así como o crecemento dunha industria tan importante como a conserveira nos séculos XIX e XX. A pesca, segue sendo un alicerce fundamental da economía galega, tanto de baixura como de altura, o marisqueo e hoxe tamén o cultivo de novos produtos, como as algas, fan de Galicia un referente no que a actividade marítima de refire.

A etnografía, as lendas e mitos relacionados co océano e o máis aló están moi presentes en Galicia, tanto a través da cultura oral, inmaterial pero tamén pola presenza de restos arqueolóxicos e construcións etnográficas. Cada recuncho de terra da nosa costa é testemuño da unión entre os galegos e o mar.

O mar tamén permite soñar e pensar nos novos mundos alén do océano. Os galegos cruzaron o atlántico sen medo e coa esperanza dunha mellor vida. A emigración a América foi unha constante desde o seu descubrimento, Galicia está intimamente ligada ao continente americano.

A gastronomía e a artesanía son un fiel reflexo da unión marítimo-terrestre de Galicia e que se percibe en todas as súas localidades como as cidades de Vigo, Pontevedra, A Coruña ou Ferrol. Sorprenderanche as históricas vilas de Ribadeo, Viveiro, Muros, Fisterra ou Baiona, así como as paisaxes e contorna das Rías Baixas e Altas, da Costa da Morte ou da Mariña lucense.

As nosas visitas guiadas e roteiros queren mostrarche esta unión e riqueza que temos na costa galega.

Anímate e descobre a Galicia atlántica!

TIPO DE RUTA: Á Carta

DURACIÓN: Variable/Xornada completa ou varias xornadas

HORA DE SAÍDA: A convir

PUNTO DE ENCONTRO: A convir

DESCRICIÓN: A ruta se personaliza para cada cliente

CUSTO/PREZO:

PARTICULARES: solicitar orzamento. Itinerario personalizado. Duración adaptada

  • GRUPOS: Itinerario personalizado. Duración adaptada. Solicitar tarifas de grupo.
  • COLES E INSTITUTOS: Tarifa especial. Posibilidade de ser realizada en idioma extranxeiro.

IDIOMAS: Castellano, Galego, Français, Italiano, English, Deutsch, Português, Outros (solicitar).

OBSERVACIÓN:

  • Visita dispoñible todo o ano.
  • Obrigatorio Reserva Previa.
  • Suxeito a dispoñibilidade de guía.
  • A visita pode sufrir cambios por causas alleas á nosa vontade. A visita está condicionada polas aperturas, acontecementos excepcionais dos lugares a visitar.
  • Visitas en idiomas: Só con reserva previa.
  • Posibilidade de ampliar duración se é visita privada ou grupo

INCLUIDO: Guía Oficial de Galicia.

ENTRADAS: A determinar no programa.

TRANSPORTE, ALOXAMENTO E COMIDA: Pódese xestionar cos nosos colaboradores.

PÓDECHE INTERESAR:

INFORMACIÓN E RESERVAS:

info@genuinegalicia.com ou tf 675 558 545