Camiño de Santiago e Outros Camiños, – Os camiños de Galicia Á Carta

Description

Galicia reúne un terzo de todos os nomes de lugares de España, a dispersión poboacional favoreceu a aparición dunha rica toponimia de aldeas e vilas que se comunican cun complexo trazado de estradas modernas, pero que conservan os seus camiños antigos, usados ao longo dos séculos para os labores diarios e o encontro dos seus veciños.

Dise de Galicia que é a terra dos mil ríos, e é certo pero tamén dos miles de carreiros e camiños que vertebran a nosa comunidade coma se dunha fina e densa telaraña se tratáse.

Conservamos, os nosos camiños de arrieros, que eran usados para achegar o viño do sur de Galicia ás cidades e pobos, os nosos camiños que unían a costa e o interior para achegar o polbo pero tamén o bacallau ou as sardiñas ou xurelos. Tamén temos calzadas romanas como a famosa Vía Nova, a vía XVIII do Itinerario de Antonino, ou os camiños reais, aparecidos no medievo. Outros máis recentes son os camiños do contrabando, a través dos cales se pasaban produtos entre Portugal e Galicia, como o café, pero tamén o gando ou a penicilina.

Son tantos os camiños que a nosa toponimia bautizounos para saber onde ían ou recoñecelos na contorna local, por exemplo: O camiño de Celanova, da chaira, da Fonte, da Forca, ou Pozo do Demo. Os seus nomes son moitas veces repetidos ao longo da xeografía de Galicia, pero no ámbito local indican perfectamente cal é o camiño.

De todos os camiños, o de Santiago é o máis coñecido, entre os camiños de Santiago, podemos nomear a Vía da Prata, O Camiño do Norte, o Camiño de Inverno, o portugués, o inglés etc…que conforman parte dos camiños oficiais que son recoñecidos como vías de peregrinación a Santiago de Compostela.

Hoxe moitos dos nosos camiños recupéranse e sinalizan para gozar deles, para percorrelos, coñecer a natureza, o seu patrimonio, lugares e xentes, para realizar unha inmersión no ámbito local e sentir a contorna dunha maneira máis sensitiva.

En Genuine Galicia queremos achegarche estes camiños descoñecidos e que vivas a nosa contorna como a percibimos os veciños, non dubides en mirar a nosa oferta de actividades ou en contratar un roteiro a medida. Podemos realizar un roteiro pequeno contigo, incluír a andaina nun roteiro cultural ou acompañarte no itinerario durante varios días ata chegar á túa meta.

TIPO DE RUTA: Á Carta

DURACIÓN: Variable/Xornada completa ou varias xornadas

HORA DE SAÍDA: A convir

PUNTO DE ENCONTRO: A convir

DESCRICIÓN: A ruta se personaliza para cada cliente

CUSTO/PREZO:

  • PARTICULARES: solicitar orzamento. Itinerario personalizado. Duración adaptada
  • GRUPOS: Itinerario personalizado. Duración adaptada. Solicitar tarifas de grupo.
  • COLES E INSTITUTOS: Tarifa especial. Posibilidade de ser realizada en idioma extranxeiro.

IDIOMAS: Castellano, Galego, Français, Italiano, English, Deutsch, Português, Outros (solicitar).

OBSERVACIÓN:

  • Visita dispoñible todo o ano.
  • Obrigatorio Reserva Previa.
  • Suxeito a dispoñibilidade de guía.
  • A visita pode sufrir cambios por causas alleas á nosa vontade. A visita está condicionada polas aperturas, acontecementos excepcionais dos lugares a visitar.
  • Visitas en idiomas: Só con reserva previa.
  • Posibilidade de ampliar duración se é visita privada ou grupo

INCLUIDO: Guía Oficial de Galicia.

ENTRADAS: A determinar no programa.

TRANSPORTE, ALOXAMENTO E COMIDA: Pódese xestionar cos nosos colaboradores.

PÓDECHE INTERESAR:

INFORMACIÓN E RESERVAS:

info@genuinegalicia.com ou tf 675 558 545